眼瘡

2017年, 係我人生中最低潮既時間。

眼瘡對我媽媽來講十分陌生, 因為儘管我地眼睫毛長長都未曾生過, 究竟發生咩事。

大小姐既病每次都令我長知識。

三歲個年, 我全年無休, 除左番工既日子, 其餘半年既放假日, 我都忙緊買材料治佢既久咳。
醫好咳之後就每日番工前同放工後醫佢一對眼瘡。

留意左幾日, 發覺點解隻眼怪怪地, 好似下眼皮漲漲地, 又唔係因為唔夠訓, 直至有一日真係唔對路, 下眼皮係腫到紅紅地, 先意識到有問題, 於是即刻打電話俾保險agent問, 睇下有咩醫生介紹, 於是就打電話去約時間睇眼科。

咩時間唔緊要, 最緊要係快, 於是請左半日假, 放左工又趕番天水圍接大小姐去旺角。
去到診所做左例行登記, 再做埋視力測試, 終於見到醫生。之後醫同我講太遲黎啦, 已經過左醫眼瘡既黃金期。個一刻我忍唔住喊左出黎, 一來怪責自己咁遲先帶佢睇醫生, 二來擔心大小姐既病情, 醫生明白我既concern於是叫我先試用眼藥膏試一試, 再Keep住熱敷, 一星期後覆診。 

響呢星期好難過, 為左唔洗全身麻醉割眼瘡, 一日兩次用雞蛋做熱敷, 跟指示塗眼膏。一星期就咁過左, 情況完全無好轉地去覆診。醫生見咁既情況當然係人你講, 一定要割冇其他辦法。 結果帶著刀割既心情番屋企, 喊左無數次。

跟住阿媽又響學插花既導師介紹下睇另一位出名既醫生, 其實心情係似患有絕症一樣, 想尋求另一醫生的專業意見, 希望有奇蹟話你聽唔洗割都有辦法好得番。當然睇完又係另一次令你心死既結果。但今次醫生講既係做唔做係冇迫切性, 所以你決定左再擇日做就可以了。

問題在於我好唔想佢咁細個要麻醉兼割一刀, 於是我決定要搏一搏打呢場仗。

我不斷上網搵偏方, 又響一個群組講眼瘡問題, 於是一呼百應, 好多有心人教的點做, 而我同工人姐姐, 老公每日不嫌其煩地做做做。

響我一鼓作氣時, 發現一件晴天霹靂既事, 原本我一隻眼有瘡, 點知連另一隻都生埋。個刻down到一個點, 眼淚又再流出黎, 我忍唔住問個天係咪響到戲弄我, 有咩報娼的身上好啦, 唔好搞細路仔。

好明白埋怨都冇用, 於是繼續帶著質疑與恆心行醫眼瘡既呢條路。

每朝我早一點起身, 用蘋果醋同真蜂蜜拌勻調好, 俾姐姐等佢食完早餐就俾佢飲
每日叫姐姐去街市買莞茜煲水俾佢沖涼
每日早上同晚上飲中藥
每日早午晚, 兼沖完涼後用雞蛋熱敷
晚上臨訓前用微熱洋甘菊茶洗眼至少十分鐘
等佢訓著, 再用精油塗響瘡既眼皮

一個星期又一個星期, 一個星期又一個星期, 睇見瘡既膿愈谷愈大, 之後熟左又爆, 之後又再生番粒瘡出黎, 之後膿又再次谷到爆, 如是者好幾次, 終於所有膿清哂, 冇野再谷, 眼瘡就咁消失左呢場仗歷時一個月零五日。都唔想理有幾耐, 只要佢好番就已經足夠。